11:00 Լուրերը մեկ տողով. Եղանակի կտրուկ փոփոխությունից մինչև միջազգային լարվածության նոր փուլ

Անցած ժամվա լուրերը՝ հակիրճ և բովանդակային.

•  Հայաստանում ներթափանցած ցուրտ օդային հոսանքների հետևանքով առաջիկա օրերին օդի ջերմաստիճանը կնվազի 4–5 աստիճանով, իսկ առաջիկա 10 օրերին սաստիկ շոգ չի կանխատեսվում։

•   Հակակոռուպցիոն կոմիտեն դատարան է ուղարկել «Հայանտառ» ՊՈԱԿ-ի Ստեփանավանի անտառտնտեսության նախկին տնօրենի և ավագ անտառապետի գործը՝ նրանց մեղադրելով աշխատավարձերի յուրացման ու խարդախության մեջ։ 

•   Ռուսաստանի պաշտպանության նախարարությունը հայտնել է, որ մեկ գիշերվա ընթացքում երկրի տարբեր շրջանների վրա ոչնչացվել է ուկրաինական 375 անօդաչու թռչող սարք։ 

•   ԱՄՆ-ի հարվածներից հետո Իրանում տարհանվել են հիվանդներ, իսկ պաշտոնական տվյալներով զոհերի թիվը հասել է 35-ի, վիրավորներինը՝ ավելի քան 300-ի։ 

•   Հորդանանը հայտարարել է, որ հակաօդային պաշտպանության համակարգերով որսացել է Իրանից արձակված ութ հրթիռ՝ առանց զոհերի կամ ավերածությունների։ 

•   Իրանը հայտարարել է, որ Հորմուզի նեղուցը փակ կմնա մինչև իր պահանջների կատարումը և զգուշացրել է պատասխանել ցանկացած գործողության, որը կհամարի ինքնիշխանության խախտում։ 

•   ԱՄՆ նախագահ Դոնալդ Թրամփը հանձնարարել է Բրազիլիայից ներկրվող ապրանքների մեծ մասի նկատմամբ սահմանել 25 տոկոս մաքսատուրք։ 

•   Չինաստանը պատմության մեջ առաջին անգամ մեկ ամսում արտահանել է ավելի քան մեկ միլիոն ավտոմեքենա՝ շարունակելով գրանցել առևտրային աճ։ 

•   Անգլիայի հավաքականի գլխավոր մարզիչ Թոմաս Տուխելը Արգենտինայից կրած պարտությունից հետո հայտարարել է, որ իր թիմը գոլից հետո կորցրել է նախաձեռնությունն ու վերահսկողությունը խաղի նկատմամբ։