Ինչպես է ստեղծվել Մեսսիի և Յամալի հայտնի լուսանկարը

Լիոնել Մեսսիի և մանկահասակ Լամին Յամալի մասնակցությամբ հայտնի լուսանկարն ունի իր ստեղծման ուրույն պատմությունը։

2007 թվականին արգենտինացի ֆուտբոլիստին թիմակիցների հետ միասին հրավիրել էին մասնակցելու «Սպորտ» ամսագրի օրացույցի նկարահանումներին։ Այս նախագիծը համատեղ կազմակերպվել էր «Բարսելոնայի» հիմնադրամի և ՅՈՒՆԻՍԵՖ-ի կողմից։

Այս բարեգործական ծրագրի շրջանակներում ՅՈՒՆԻՍԵՖ-ը մի քանի ամիս շարունակ Կատալոնիայում փնտրում էր երեխաներ ունեցող համապատասխան ընտանիքներ, և ընտրությունը կանգ առավ հենց Յամալի ընտանիքի վրա։

Ֆուտբոլիստների հետ նկարահանվելու համար երեխաները բաշխվում էին պատահականության սկզբունքով։ Այդպես, Մեսսիի մոտ, ով մինչև այդ պահը երբեք գրկում երեխա չէր պահել, հայտնվեց հենց Յամալը։

Այսպիսով, հաջողված բարեգործական ակցիայի և ճակատագրի բերումով էլ ստեղծվեցին այս յուրահատուկ լուսանկարները։