100.000 դոլար՝ «գրին քարտ» ստանալու համար․ ԱՄՆ-ում խիստ օրինագիծ է քննարկվում

Դոնալդ Թրամփի վարչակազմը դիտարկում է արտերկրում գտնվող ԱՄՆ հյուպատոսություններում «գրին քարտի» (մշտական բնակության իրավունքի) դիմորդների որոշ խմբերի համար 100,000 ԱՄՆ դոլարի չափով պարտադիր դրամական գրավ (ֆինանսական երաշխիք) սահմանելու հնարավորությունը։ Այս մասին հայտնում են ծրագրերին մոտ կանգնած աղբյուրները  The Wall Street Journal-ը։

ԱՄՆ պետդեպարտամենտն այժմ մշակում է համապատասխան նախագիծը։ Այն հանդիսանում է Սպիտակ տան որդեգրած ներգաղթային քաղաքականության շարունակությունը, որի նպատակն է սահմանափակել ցածր եկամուտ ունեցող օտարերկրացիների հոսքը Միացյալ Նահանգներ։ Վարչակազմը ցանկանում է երաշխավորել, որ ԱՄՆ տեղափոխվող ցանկացած ներգաղթյալ ի վիճակի կլինի ինքնուրույն հոգալ սեփական ֆինանսական կարիքները և բեռ չի դառնա պետության համար։

Նշվում է, որ այս քայլը կդառնա օրինական ներգաղթի դեմ պայքարին ուղղված վարչակազմի միջոցառումների մի մասը, որը մասնավորապես կանդրադառնա սահմանափակ ֆինանսական հնարավորություններ ունեցող օտարերկրացիների վրա։