Բաքվի վերջնագիրը Երևանին․ Հայաստանի Սահմանադրությունը պետք է փոխվի․ Հաջիև

Ադրբեջանն ու Հայաստանը փաստացի խաղաղության պայմաններում են և տասնամյակներ տևած հակամարտությունից հետո վերականգնում են առևտրատնտեսական կապերը։ Այս մասին հայտարարել է Ադրբեջանի նախագահի արտաքին հարաբերությունների գծով խորհրդական Հիքմեթ Հաջիևը։

Սակայն Բաքուն պնդում է, որ մինչև վերջնական խաղաղության համաձայնագրի ստորագրումը Հայաստանը պետք է փոփոխություններ կատարի իր Սահմանադրությունում։

«Սահմանադրական փոփոխությունների ձևը Հայաստանի ներքին գործն է։ Ադրբեջանի համար կարևոր է, որ այն դրույթները, որոնք մենք գնահատում ենք որպես մեր երկրի նկատմամբ տարածքային պահանջներ, պաշտոնապես վերացվեն՝ լինի դա նոր Սահմանադրության ընդունման, թե այլ իրավական մեխանիզմի միջոցով։

Երբ այդ հարցը լուծվի, կարծում ենք, որ վերջնական խաղաղության համաձայնագրի ստորագրման համար այլևս որևէ խոչընդոտ չի մնա»,- ասել է նա։