ԱՄՆ–ն Իսրայելում կտեղակայի հակահրթիռային THAAD համակարգեր
ԱՄՆ–ն Իսրայելում կտեղակայի հակահրթիռային THAAD համակարգեր՝ Իրանի հնարավոր հարվածներից պաշտպանության համար: Այս մասին գրում է իսրայելական Ynet պորտալը:
Նշվում է, որ Պենտագոնը համալիրները կտրամադրի Թել Ավիվի նախաձեռնությամբ:
Մինչ այդ, հիշեցնենք, Թեհրանը խոշոր հարված հասցրեց Իսրայելին, ինչին ՑԱԽԱԼ–ը խոստացավ պատասխան տալ: Իրանական Fars-ի աղբյուրները հայտնել էին, որ «Իսրայելի վրա հարձակումների առաջին ալիքում» իրանական հրթիռների առնվազն 80%-ը խոցել է իրենց թիրախները:
Shafaqna գործակալությունը հայտարարել էր, որ հարձակման արդյունքում ոչնչացվել է իսրայելական հինգերորդ սերնդի ավելի քան 20 F-35 կործանիչ:
