Թեոդոսիայում` նավթի պահեստում բռնկված հրդեհը, որը հոկտեմբերի 7- ից չի հաջողվել մարել, հանգեցրել է դյուրավառ նյութերի արտանետմանը։ Այս մասին իր թելեգրամյան ալիքում գրել է Ղրիմի ղեկավար Սերգեյ Ակսենովը։

«Հրդեհի պատճառով տերմինալներից մեկում դյուրավառ նյութերի արտանետում է եղել»,- գրել է նա։

Ակսենովի խոսքով, ներկայումս տարհանման գոտին չի ավելանում։ Նա հավելել է, որ ձեռնարկվում են բոլոր միջոցները արտակարգ դրությունը վերացնելու համար։

Ակսենովը նշել է, որ տեղում աշխատում են մասնագետներն ու ստորաբաժանումների ղեկավարները։ Ղրիմի ղեկավարը հայտնել է, որ անձնական հսկողության տակ է վերցրել նավթի պահեստում բռնկված հրդեհի հետ կապված իրավիճակը։