Շաբաթ օրը բրազիլական Սան Պաուլոյում մոտ 1,6 միլիոն մարդ մնացել է առանց էլեկտրականության մեկ օր առաջ քաղաքը պատած հզոր փոթորկի պատճառով: Այս մասին հաղորդել է Associated Press-ը:

Նշվում է, որ ուրբաթ ուշ երեկոյան քաղաքին պատուհասել է  քամու պոռթկումները հասել են 108 կմ/ժ արագության։ Արդյունքում քամին տապալել է ծառեր ու էլեկտրահաղորդման գծեր։ Վատ եղանակը հանգեցրել է նաև մի քանի օդանավակայանների փակման և մի քանի շրջաններում ջրամատակարարման ընդհատումների։

Քաղաքային իշխանությունները կոչ են անում բնակչությանը սահմանափակել ջրի օգտագործումը։ Սան Պաուլոյում և նրա շրջակայքում վատ եղանակի պատճառով առնվազն հինգ մարդ է մահացել։

Սան Պաուլոն Հարավային Ամերիկայի ամենամեծ քաղաքն է, որտեղ ապրում է մոտ 21 միլիոն մարդ: