Քաղաքապետարանի որոշումը ցնցումների ենթարկված «փոսի» դպրոցի վերաբերյալ

«Հարգելի՛ գործընկերներ, տեղեկացնում եմ, որ Հակոբ Օշականի անվան թիվ 172 դպրոցում սեպտեմբերի 6-ին արձանագրված ցնցումներից հետո դասապրոցեսը ընդհատվել էր, և հաջորդ իսկ օրվանից դասերն իրականացվում էին հեռավար։

Այս ընթացքում մասնագիտացված ընկերությունների, ինչպես նաև ՀՀ ՆԳ նախարարության համապատասխան ՊՈԱԿ-ի կողմից իրականացվել են ինժեներաերկրաբանական և սեյսմակայունության ուսումնասիրություններ։

Արդյունքում պարզվել է, որ հարակից շենքի փոսորակում իրականացնող շինարարական աշխատանքները չեն կարող դպրոցի շենքի կրող կոնստրուկտիվ տարրերում նոր ճաքեր առաջացնել»,- այս մասին ֆեյսբուքյան իր էջում գրել է Երևանի քաղաքապետի մամուլի խոսնակ Հայկ Կոստանյանը:

Ավելի վաղ, Auroranews-ը հայտնել էր, որ հանրությանն առավել հայտնի «փոսի» դպրոցում  դասի չեն գնում, իսկ դասապրոցեսն անց է կացվում հեռավար եղանակով: Որպես ցնցումների և տատանումների պատճառը նշվում էր դպրոցից մոտ 200 մետ հեռավորության վրա իրականացվող շինարարական աշխատաքները: