Հանրային ռադիոյի պատին հայտնված ժամացույցների լուսանկարը մանիպուլյացիա էր. մանրամասներ
Երեկ Հանրային Ռադիոյում Բաքվի և Անկարայի ժամանակը ցույց տվող ժամացույցների հայտնվելը մեծ աղմուկ էր բարձրացրել հասարակության շրջանում:
Հանրային ռադիոյի աշխատակից Ալիսա Գևորգյանն էր հրապարկումն արել ու լուսանկար հրապարակել, որտեղ երևում էր, որ Հանրային ռադիոյի նոր ժամացույցները ներկայացնում են Երեւանի, Բաքվի, Թբիլիսիի, Անկարայի և Մոսկվայի ժամանակները: Բնականաբար, տրամաբանական հարց էր առաջանում, թե ինչու՞, օրինակ, չկա Թեհրանը կամ այլ մայրաքաղաքներ:
Սա, իհարկե, մեծ աղմուկ բարձրացրեց, և արդեն այսօր Radio Aurora-ի մեր ռաիդոլսողն ուղարկել է մեզ լուսանկարի ամբողջական տարբերակը, որտեղ ի թիվս նշվածների կան նաև Թեհրանի, Բրյուսելի, Լոնդոնի, Վաշինգտոնի, Նյու Յորքի և Լոս-Անջելեսի ժամանակը ցույց տվող ժամացույցները:
Այս ամենից կարող ենք ենթադրել, որ տեղի ունեցածը պարզապես մանիպուլյացիա էր, որին, ցավոք, ենթարկվել ենք շատերս: Սակայն, հարկ է նշել, որ Հանրային ռադիոյի նորանշանակ տնօրենը երեկ ողջ օրվա ընթացքում, ո՛չ լրատվամիջոցների հետ զրույցում, ո՛չ էլ մեկ այլ տարբերակով սպառիչ պարզաբանում չներկայացրեց թեմայի շուրջ՝ այդպիսով իրավիճակի իրական պատկեր այդպես էլ չներկայացնելով:
