«Ռուսական բանակը «քամում է» ուկրաինական զորքերը». Լավրով
Ռուսաստանի արտգործնախարար Սերգեյ Լավրովն Ուկրաինայի հարցով օտարերկրյա դեսպանների հետ հանդիպման ժամանակ հայտարարել է, որ Արևմուտքը վաղուց է հանել Կիևի կողմից հեռահար զենքով Ռուսաստանին հարվածելու սահմանափակումները։
Հանդիպման ժամանակ Լավրովի այլ հայտարարություններից.
ՆԱՏՕ-ի մասնագետները համակարգում են հարվածները Ռուսաստանի ենթակառուցվածքների օբյեկտներին, փոխանցում են տիեզերական հետախուզության տվյալներ
Կան տվյալներ, որ Ուկրաինայի հետախուզության էմիսարները գտնվում են Սիրիայի Իդլիբում՝ գրոհայիններ հավաքագրելու նպատակով
Ռուսական բանակն արդեն «քամում է» ուկրաինական զորքերը Կուրսկի մարզից
Կուրսկի ԱԷԿ-ի տարածքում իրավիճակը նախկինի պես լարված է
Ռուսաստանը ցանկանում է կարգավորել Ուկրաինայի հակամարտությունը, բայց Արևմուտքը պատրաստ չէ ազնիվ դիվանագիտության:
