Խոշոր հրդեհ՝ Նուբարաշենում․ տնակներում առաջացած կրակն ու ծուխը տեսանելի են մի քանի 100 մետրից

Այսօր՝ օգոստոսի 27-ին, խոշոր հրդեհ է տեղի ունեցել Երևանում։

Ժամը 21։30-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Նուբարաշեն վարչական շրջանի «Գ-7» թաղամասում տնակներ են այրվում։

Կրակն ու ծուխը տեսանելի են մի քանի 100 մետրից։

Shamshyan- ի տեղեկություններով, ըստ նախնական տեղեկությունների՝ հրդեհի հետևանքով բարեբախտաբար տուժածներ չկան։

Այս պահին հրշեջները կանխել են կրակի տարածումը և աշխատանքներ են իրականացնում վերջնական մարելու ուղղությամբ։