ՏԵՍԱՆՅՈՒԹ․ Պայթյուն, հրդեհ Օմսկի նավթավերամշակման գործարանում. տուժածներ կան

Ռուսաստանյան Օմսկ քաղաքում հուժկու պայթյուն է որոտացել, որը լսվել է քաղաքի տարբեր շրջաններում, հայտնում են մի շարք տելեգրամյան ալիքներ։ Պայթյունը տեղի է ունեցել «Գազպրոմնեֆտ-ՕՆՊԶ» նավթավերամշակման գործարանում։ Նշվում է, որ հրդեհի տարածքը 1000 քմ է։

Իշխանությունները հայտնում են 7 տուժածի մասին, ովքեր գործարանի աշխատակիցներ են։ Հաղորդվում է, որ նրանցից մեկը մահացել է։

Տեղի ունեցածի պատճառների և վնասի ծավալների մասին տվյալներ առայժմ չկան:

Նշենք, որ Օմսկի «Գազպրոմնեֆտ-ՕՆՊԶ» գործարանը Ռուսաստանի նավթավերամշակման խոշորագույն ձեռնարկությունն է։