Գերմանիայում ավելի քան 30 ժամ այրվում է պողպատի ամենամեծ արտադրողի պահեստը
Գերմանիայում՝ Սաարլանդ դաշնային նահանգի Ֆոլկլինգեն քաղաքի մոտ, ավելի քան 30 ժամ այրվել է պողպատի խոշորագույն արտադրող ThyssenKrupp-ի պահեստը։ Այս մասին գրում է Bild-ը։
«Դեպքի վայրում ընդհանուր առմամբ մոտ 200 հրշեջ, շտապօգնության և ոստիկանության աշխատակիցներ են», - ասվում է հաղորդագրության մեջ:
Ծխի ամպը հասել է 15 կմ հեռավորության վրա գտնվող Սաարբրյուկեն քաղաք։
Հրդեհի հետեւանքով մասամբ փլուզվել է պահեստի տանիքը։ Տեղի բնակիչներին խնդրել են ուժեղ ծխի պատճառով փակել պատուհաններն ու դռները։ Բնակելի շենքերի վրա հրդեհի տարածման վտանգ չկա:
ThyssenKrupp պահեստում բռնկված հրդեհի հետևանքով տուժածներ չկան։ Հրդեհի պատճառն անհայտ է։ Կատարվում է հետաքննություն։
Ավելի վաղ հաղորդվել էր Գերմանիայի BASF քիմիական գործարանում պայթյունի մասին։
