Ռուսաստանն ու Ուկրաինան Կուրսկում ռազմագերիների փոխանակման շուրջ բանակցություններ են սկսել. ԶԼՄ
Ուկրաինայի և Ռուսաստանի ներկայացուցիչները բանակցություններ են սկսել Կուրսկի շրջանում ուկրաինական զինված ուժերի գործողության ընթացքում գերի ընկած ռազմագերիների փոխանակման շուրջ, գրում է Financial Times-ը՝ հղում անելով ուկրաինական հետախուզությանը։
Նշվում է, որ Կիևը չի հայտնում ռուս զինվորականների ճշգրիտ թիվը, որոնց Ուկրաինայի զինված ուժերը գերի են վերցրել Կուրսկի շրջանում։ Սակայն, ըստ հրապարակման, խոսքը «հարյուրավոր» բանտարկյալների մասին է։
Ռուս գերիների գերեվարումը, ամենայն հավանականությամբ, կուժեղացնի Ուկրաինայի կոչերը՝ վերադարձնել իր հազարավոր զինվորականներին և խաղաղ բնակիչներին, որոնք գերի են ընկել ռուսական լայնածավալ ներխուժման ժամանակ, գրում է FT-ն։
