Բալահովիտում բախվել են ՊՆ հաշվեկշռում հաշվառված «Ուրալ»-ն ու «Volkswagen»-ը․ կա վիրավոր
Այսօր ավտովթար է տեղի ունեցել Կոտայքի մարզում։ Ժամը 18։10-ի սահմաններում Բալահովիտ գյուղի վարչական տարածքում բախվել են «Volkswagen» և «Ուրալ» մակնիշի ավտոմեքենաները։ Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 1 հոգի տեղափոխվել է «Աբովյան» բժշկական կենտրոն։
Դեպքի վայր են ժամանել ՀՀ Ներքին գործերի նախարարության ոստիկանության Պարեկային ծառայության Կոտայքի մարզի գումարտակի 2-րդ վաշտի 1-ին դասակի պարեկները՝ օրվա պատասխանատու հերթապահի գլխավորությամբ։
Դեպքի վայր են ժամանել նաև ՀՀ Պաշտապանության նախարարության ռազմական ոստիկանության Կոտայքի Ռազմական ոստիկանության բաժնի ծառայողները, քանի որ «Ուրալ»-ը հաշվառված է ՀՀ Պաշպանության նախարարության հաշվեկշռում:Վթարի փաստով ՊԾ Կոտայքի մարզի գումարտակում փաստաթղթեր են ձևակերպվում և հնարավոր է այն փոխանցվի ՀՀ քննչական կոմիտեի Զինվորական քննչական գլխավոր վարչության կայազորի քննչական բաժին։ Պարեկային ծառայությունը պարզում է վարորդների և վիրավորի ինքնությունը։
Լուսնակարները՝ Գագիկ Շամշյանի
