ՏԵՍԱՆՅՈՒԹ. Նուբարաշենի աղբավայրը այրվում է, կրակը տարածվում է մի քանի օջախներով
«Հենց այս պահին այրվում է Նուբարաշենի աղբավայրը, կրակը տարածվում է մի քանի օջախներով։ Թափոններից առաջացած թունավոր ծուխը տարածվում է ամբողջ Երևան քաղաքով։
Վերջին տարիներին Երևանցինները լսում են միայն սուտ ու կեղծիք՝ աղբավայրը վերածելու աղբի վերամշակման գործարանի։
Ասե՛ք կանե՛նքի հերթական «մուտիլովկան»»։
Իր ֆեյսբուքյան էջում գրել է` Երևանի ավագանու «Մայր Հայաստան» խմբակցության անդամ Գևորգ Ստեփանյանը:
Երևանի քաղաքապետի մամուլի քարտուղար Հայկ Կոստանյանը Radar Armenia-ի հետ զրույցում ասաց, որ հրդեհի բռնկման առաջին օրվանից Երևանի քաղաքապետարանի կոմունալ վարչությունը, ինչպես նաև ՆԳՆ փրկարար ծառայությունը, համատեղ ուժերով Նուբարաշենի աղբավայրում իրականացրել են հրդեհաշիջման աշխատանքներ։
«Հրդեհաշիջման աշխատանքներից զատ, Երևանի քաղաքապետարանի կոմունալ վարչությունը այդ տարածքում իրականացնում է հողալցման աշխատանքներ, որպեսզի հրդեհի բռնկում չլինի։ Օջախներ կան, որ ծխում են, բայց, որպես այդպիսին, այս պահին հրդեհ չկա»,- ասաց Կոստանյանը։
