ՏԵՍԱՆՅՈՒԹ. Խմելու ջրի փոխարեն լվացարանը պատվում է ցեխով ու նստվածքով. ArmLur
Կոտայքի մարզի Քարաշամբ գյուղի բնակիչներն ահազանգում են, որ խմելու ջրի փոխարեն ծորակից ցեխաջուր է հոսում: Արդեն 3-4 օր է, ինչ տեղի բնակիչները չեն կարողանում ծորակից ջուր խմել: Այս մասին հայտնում է ArmLur.am-ը: Տեսանյութում երևում է, որ լվացարանում ցեխի նստվածք է մնում ծորակից եկած ջրի հետևանքով:
Լրատվականը կապ է հաստատել «Վեոլիա ջուր» ՓԲԸ-ի հանրային կապերի ծառայության աշխատակից Կարինե Կարապետյանի հետ՝ հասկանալու՝ ինչն է նման վիճակի պատճառը: Նա ասել է, որ մի քանի օր առաջ այնտեղ վթար է եղել, վթարը մասնագետները շտկել են: Ջրագիծն ամբողջությամբ լվացվել է, և պետք է նման խնդիր չլիներ:
«Հիմա այս պահին պիտի այնտեղ խնդիր չլինի: Մեզ տվեք հստակ հասցե, մենք գնանք ուսումնասիրենք»:
