Հասարակություն

Վահան Քերոբյանը չի կարող մեկնել ԱՄՆ․դատարանը մերժեց միջնորդությունը

Վահան Քերոբյանը չի կարող մեկնել ԱՄՆ․դատարանը մերժեց միջնորդությունը
ՀՀ էկոնոմիկայի նախկին նախարար Վահան Քերոբյանը չի կարող մեկնել ԱՄՆ՝ ամերիկյան համալսարան ընդունված որդուն ուղեկցելու համար։ Այսօր Հակակոռուպցիոն դատարանը` դատավոր Մերի Մոսինյանի նախագահությամբ, մերժեց…

ՀՀ էկոնոմիկայի նախկին նախարար Վահան Քերոբյանը չի կարող մեկնել ԱՄՆ՝ ամերիկյան համալսարան ընդունված որդուն ուղեկցելու համար։ Այսօր Հակակոռուպցիոն դատարանը` դատավոր Մերի Մոսինյանի նախագահությամբ, մերժեց պաշտպանական կողմի միջնորդությունը։


Քերոբյանի պաշտպանները միջնորդել էին կամ վերացնել նրա նկատմամբ ընտրված խափանման միջոցը, կամ թույլատրել 15 օրով բացակայել Հայաստանից, կամ փոփոխել նրա նկատմամբ ընտրված խափանման միջոց բացակայելու արգելը և ավելի խիստ խափանման միջոց` 2 մլն դրամ գրավ կիրառել։


Դատարանը գտնում է, որ ՀՀ էկոնոմիկայի նախկին նախարարի՝ ԱՄՆ մեկնելու համար որևէ ծանրակշիռ պատճառաբանություն չի ներկայացվել։


«Դատարանը որոշում է մեղադրյալ Վահան Քերոբյանի նկատմամբ նախաքննության ընթացքում կիրառված բացակայելու արգելքը թողնել անփոփոխ, իսկ պաշտպանական կողմի միջնորդությունը մերժել»,- հայտարարել է դատավորը։


Նշենք, որ Վահան Քերոբյանը ցանկություն էր հայտնել օգոստոսի 17-30-ը որդուն ուղեկցել ԱՄՆ և վերադառնալ Հայաստան։

Նմանատիպ հոդվածներ

Ավելին Հասարակություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7383) Միջազգային (3225) ԱՄՆ (2279) Ռուսաստան (2091) Իրան (1732) Ընտրություններ (1272) Ուկրաինա (821) Երևան (795) Իսրայել (758) Ադրբեջան (619) Փաշինյան (558) Եվրոպա (510) Ընդդիմություն (436) Թրամփ (427) Ազգային ժողով (407)

Radio Aurora

Լսել Radio Aurora

Գովազդային տարածք

300x250