Փարիզում թմրանյութ գնելու ժամանակ ձերբակալված Ավստրալիայի հավաքականի հոկեյիստը ներողություն է խնդրել
Փարիզի ոստիկանությունը կալանքից ազատ է արձակել ավստրալացի հոկեյիստ Թոմ Քրեյգին կոկաին գնելու համար ձերբակալվելուց հետո։ Այս մասին հաղորդում Է BBC-ն:
«Նախ, ես կցանկանայի ներողություն խնդրել վերջին 24 ժամվա ընթացքում տեղի ունեցածի համար։ Ես սարսափելի սխալ եմ թույլ տվել։ Ես ամբողջ պատասխանատվությունը վերցնում եմ իմ գործողությունների համար:
Իմ գործողությունները իմն են, և դրանք ոչ մի կերպ չեն արտացոլում իմ ընտանիքի, իմ թիմակիցների, իմ ընկերների, իմ մարզաձևի և Ավստրալիայի օլիմպիական հավաքականի արժեքները: Ես խայտառակեցի բոլորիդ ։ Ես իսկապես ցավում եմ», - ասել է Քրեյգը
Հիշեցնենք՝ Օլիմպիական խաղերի մասնակիցը մեղադրվում է թմրանյութ գնելու փորձի համար:
