ՏԵՍԱՆՅՈՒԹ․ Հակառակորդի առաջխաղացումը ՌԴ տարածքում կասեցվել է․ ՌԴ ՊՆ
Հակառակորդի առաջխաղացումը Ռուսաստանի Դաշնության տարածքում կասեցվել է։ Այս մասին հայտնել են ՌԴ Պաշտպանության նախարարությունից:
Հաղորդվում է, որ ուկրաինական ԶՈւ կազմավորումների ոչնչացման գործողությունը Կուրսկի շրջանում շարունակվում է։
Շրջանի նահանգապետի ժամանակավոր պաշտոնակատար Ալեքսեյ Սմիրնովը հայտնել է, որ Կուրսկի շրջանում տիրող իրավիճակի մասին զեկուցել է Ռուսաստանի նախագահ Վլադիմիր Պուտինին, որը խոստացել է աջակցություն ցուցաբերել։
Գիշերվա ընթացքում ռուսական զինված ուժերը Կուրսկի ուղղությամբ հակառակորդին դիմակայել են օդային հարվածներով, հրթիռային ուժերով, հրետանային կրակոցներով։
Բասովկայի, Ժուրավկայի, Յունակովկայի և այլ բնակավայրերի տարածքներում ջախջախվել են Ուկրաինայի զինված ուժերի ռեզերվները։ Նշվում է՝ հակառակորդի կորուստները մեկ օրում կազմել են 260 զինյալ և 50 զրահամեքենա։
Տեսանյութ՝ սոցիալական ցանցերից։
