18+ՏԵՍԱՆՅՈՒԹ․ Գազայում գտնվող դպրոցին իսրայելական հարվածի հետևանքով մոտ 100 մարդ է զոհվել
Իսրայելի բանակը հայտարարել է Գազայի հատվածում գտնվող դպրոցին հարվածելու մասին՝ պնդելով, որ դրանում ՀԱՄԱՍ-ի զինյալներ էին տեղավորված։ Հաղորդվում է հարվածի հետևանքով 100 մարդու զոհվելու մասին։
Հարձակումը տեղի է ունեցել առավոտյան աղոթքի ժամանակ, զոհվածների թվում կան բազմաթիվ կանայք և երեխաներ: Հարվածից հետո հրդեհ է բռնկվել, տասնյակ մարդիկ հայտնվել են թակարդում, փրկարարները չեն կարողանում օգնել նրանց։
Ավելի ուշ Գազայի իշխանությունները հաստատել են այդ տեղեկությունը՝ նշելով, որ իսրայելական կողմը երեք հրթիռի հարված է հասցրել դպրոցին։
Արտակարգ ծառայությունները շարունակում են որոնողափրկարարական աշխատանքը, սակայն այն բարդանում է բռնկված հրդեհի պատճառով։
Իսրայելի պաշտպանության բանակը հայտարարել է, որ դպրոցում եղել են ՀԱՄԱՍ-ի մարտիկներ, որոնք քաղաքացիական ենթակառուցվածքն օգտագործում էին ռազմական նպատակներով:
