Ավտովթար՝ Վայոց ձորի մարզում. բախվել են «Mitsubishi»-ն ու «Ford Transit»-ը. կա 9 վիրավոր
Այսօր՝ օգոստոսի 5-ին, ավտովթար է տեղի ունեցել Վայոց ձորի մարզում: Այս մասին հայտնում է Shamshyan.com-ը։
Ժամը 07:40-ի սահմաններում Երևան-Մեղրի ավտոճանապարհի 123 կմ հատվածում բախվել են Արարտաի մարզի բնակիչ 36-ամյա Սևակ Մ.-ի վարած «Mitsubishi» և Վայոց ձորի մարզի բնակիչ 34-ամյա Դավիթ Լ.-ի վարած «Ford Transit» մակնիշի ավտոմեքենաները:
Ինչպես հայտնում է կայքը, վթարի հետևանքով 2 վարորդներն ու նշված ավտոմեքենաների 7 ուղևորները՝ մարմնական վնասվածքներով տեղափոխվել են «Վայոց ձոր» բժշկական կենտրոն:
Վթարի փաստով քննչական վարչությունում նախաձեռնվել է քրեական վարույթ:
