Անհայտ անձինք սպառնացել են սպանել Օլիմպիական խաղերի բացման արարողության պրոդյուսերներին

Փարիզում Օլիմպիական խաղերի բացման արարողության պրոդյուսերները, ովքեր աշխատում են Paname 2024 ընկերությունում, դիմել են դատախազություն մահվան սպառնալիքներ պարունակող էլեկտրոնային հաղորդագրությունների պատճառով, գրում է ֆրանսիական Le Parisien թերթը։

Ընկերության կորպորատիվ էլեկտրոնային փոստը ստացել է մի քանի վիրավորական նամակներ՝ Ղուրանի մեջբերումով և սպառնալիքով, որ Օլիմպիական խաղերի բացման արարողության կազմակերպիչները կկրեն «Ալլահի պատիժը»:

Նշվում է, որ դատախազությունն արդեն հետաքննություն է սկսել՝ կապված Օլիմպիական խաղերի բացման գեղարվեստական ​​ղեկավար Թոմաս Ջոլիի հասցեին հնչած սպառնալիքների հետ։ Նա նույնպես ստացել է նմանատիպ սպառնալից նամակներ։

Անանուն ուղարկողների որոնումն իրականացվում է Փարիզի դատախազության համացանցային ատելության դեմ պայքարի ազգային կենտրոնի (PNLH) և մարդկության դեմ հանցագործությունների և ատելության հանցագործությունների դեմ պայքարի կենտրոնական ապարատի (OCLCH) կողմից։

Հուլիսի 26-ին տեղի ունեցավ ամառային օլիմպիական խաղերի բացման արարողությունը։ Արարողությունը բաղկացած էր մի քանի դրվագներից, որոնցից մեկը «Վերջին ընթրիքի» պարոդիան էր՝ տրանսվեստիտների և հնագույն Դիոնիսոսի աստծո դերում գրեթե մերկ մարդու մասնակցությամբ։