Նովակ Ջոկովիչն առաջին անգամ դուրս եկավ Օլիմպիական խաղերի եզրափակիչ
Սերբ թենիսիստ, աշխարհի երկրորդ ռակետ Նովակ Ջոկովիչն իր կարիերայում առաջին անգամ դուրս եկավ Փարիզում ընթացող օլիմպիական մրցաշարի եզրափակիչ։ Այս մասին հայտնում է РБК-ն։
Կիսաեզրափակիչում մրցաշարի առաջին համար 37-ամյա սերբը 6։4, 6։2 հաշվով հաղթել է աշխարհի 16-րդ ռակետ իտալացի Լորենցո Մուսետտիին։
Վճռորոշ խաղում Ջոկովիչի մրցակիցը կլինի իսպանացի Կառլոս Ալկարասը (ATP-ի դասակարգման երրորդ համարը):
