Երևանում ոստիկանական «Գազելը» 17-ամյա պատանու է վրաերթի ենթարկել. բժիշկները պայքարում են տղայի կյանքի համար

Mariam Z. 1 րոպե 357 դիտում

31.07.2024 12:13

Երևանի Արշակունյաց պողոտայում` Շենգավիթի դատարանի հարևանությամբ, ոստիկանական «Գազելը» վրաերթի է ենթարկել 17 տարեկան մի պատանու։ Տեղեկությունը հայտնում է shamshyan.com–ը։

Նշվում է, որ ոստիկանության զորքերի հաշվեկշռում հաշվառված «Գազելը» պատանուն վրաերթի է ենթարկել ժամը 09։00-ի սահմաններում։

Վարորդը փախուստի չի դիմել, օգնել է տուժածին տեղափոխել «Էրեբունի» բժշկական կենտրոն։ Բժիշկները պայքարում են տղայի կյանքի համար։

Դեպքի փաստով քննչական բաժնում նախաձեռնվել է քրեական վարույթ, որտեղ էլ պարզվում են վարորդի և վրաերթի ենթարկվածի ինքնությունը։ Կայքի տեղեկություններով` տուժածը Երևանի բնակիչ 17-ամյա Վարդան Մ․-ն է։