ՆԳՆ-ն պարզաբանում է Գյումրիում գտնվող հայտնի «Վառեմ մարեմ»-ի շենքի փլման հետ կապված լուրը
Ներքին գործերի նախարարությունից մանրամասնում են Գյումրիում գտնվող հայտնի «Վառեմ մարեմ»-ի շենքի հետ կապված լուրը, թե այն մասամբ փլվել է։
ՆԳՆ-ից Auroranews-ին հայտնել են, որ շենքը չի փլուզվել, ահազանգ է ստացվել, որ պատից քարեր են ընկել։ Վնասվել է շենքի պատշգամբի 1 արգելապատնեշ և շենքի ներսում մեկ կիսաքանդ միջնապատ։
Դեպքի վայր է մեկնել Փրկարար ծառայությունը և սահմանազատել տարածքը։
Հիշեցնենք՝ ավելի վաղ հայտնել էինք, որ քիչ առաջ Գյումրիում գտնվող հայտնի «Վառեմ մարեմ»-ի շենքը մասամբ փլվել է։
