18+ ՏԵՍԱՆՅՈՒԹ. Փոքր Վեդիի մանկապարտեզում աշխատակիցը ծեծի է ենթարկել երեխային
Համացանցում տարածված այն տեսանյութը, որում երևում է, որ Փոքր Վեդիի մանկապարտեզում երեխային աշխատակիցը ծեծում է, ոստիկանության ուշադրության կենրոնում է:
Ավելի ուշ պարզ է դարձել, որ տեսանյութը հրապարակվել է Армянин տելեգրամյան ալիքում
NEWS.am-ին Արարատի մարզպետարանից փոխանցել են, որ դեպքին ծանոթ են, տեսանյութը տեսել են, սակայն մանկապարտեզներն աշխատում են համայնքի ենթակայությամբ․
«Տեղյակ ենք, որ Գարիկ Սարգսյանն արդեն զբաղվում է այս խնդրով։ Համայնքապետարան են կանչվել մանկապարտեզի տնօրենն ու աշխատակիցը։ Ակնկալվում է, որ կարվեն համապատասխան քայլեր։ Այժմ խորհրդակցություն է ընթանում համայնքապետարանում»։
Հաղորդվում է, որ մանկապարտեզի տնօրենն ու դաստիարակը հրավիրվել են ոստիկանություն:
Auroranews-ը կապ հաստատեց Քննչական կոմիտե, որտեղից մեզ ասացին, որ հաղորդում դեռ չեն ստացել:
