![Բելինգհեմը վիրահատության պատճառով կարող է բաց թողնել մրցաշրջանի մեկնարկը Ռեալում. The Athletic](https://auroranews.am/storage/img/base_image/2024-07-17/669787e411a85.webp)
Բելինգհեմը վիրահատության պատճառով կարող է բաց թողնել մրցաշրջանի մեկնարկը Ռեալում. The Athletic
![Բելինգհեմը վիրահատության պատճառով կարող է բաց թողնել մրցաշրջանի մեկնարկը Ռեալում. The Athletic](https://auroranews.am/storage/img/base_image/2024-07-17/669787e411a85.webp)
Անգլիայի հավաքականի և Մադրիդի «Ռեալի» կիսապաշտպան Ջուդ Բելինգհեմը կարող է բաց թողնել 2024/2025 մրցաշրջանի մեկնարկը՝ ուսի վիրահատության պատճառով։ Այս մասին հայտնում է Madrid Zone-ը՝ հղում կատարելով The Athletic-ին։
Աղբյուրի փոխանցմամբ՝ «Ռեալի» ղեկավարությունը հասկանում է, որ կիսապաշտպանին անհրաժեշտ կլինի վիրահատական միջամտություն, որից նա խուսափել է անցած մրցաշրջանում՝ մադրիդյան թիմի կարևոր հանդիպումները բաց չթողնելու և Եվրոպայի 2024 թ. առաջնությանը մասնակցելու համար: Նշվում է, որ վիրահատությունից հետո Բելինգհեմի վերականգնողական շրջանը կտևի երկուսից երեք ամիս։
Բելինգհեմը «Ռեալում» հանդես է գալիս 2023 թվականի ամռանից։ Նախկինում անգլիացի կիսապաշտպանը ներկայացնում էր Դորտմունդի «Բորուսիան»: Նախորդ մրցաշրջանի վերջում հարձակվողական ոճի կիսապաշտպանը դարձել է 23 գոլի և 13 գոլային փոխանցման հեղինակ՝ «Ռեալի» կազմում իր նորամուտի մրցաշրջանում անցկացնելով 42 հանդիպում։ Եվրո-2024-ում ֆուտբոլիստն Անգլիայի հավաքականի բոլոր յոթ հանդիպումներում եղել է իր թիմի մեկնարկային կազմում՝ դառնալով երկու գոլի և մեկ գոլային փոխանցման հեղինակ: Ֆուտբոլիստի գնահատված արժեքը, Transfermarkt ինտերնետային պորտալի տվյալներով, կազմում է 180 մլն եվրո։