Խիստ զննում և «անցանկալի անձ». Flyone-ը՝ Երևանից ուղևորների համար նոր կանոնների մասին

Flyone ավիաընկերությունը Երևան-Քիշնև չվերթների ուղևորների համար ճանապարհորդության նոր կանոններ է սահմանել: Այս մասին հայտնում է ավիաընկերության մամուլի ծառայությունը։

«FLYONE ARMENIA-ի Երևան-Քիշնև չվերթի ճանապարհորդության նոր կանոններ.

1. Ուղևորների ստուգում

• Ուղևորների ցուցակի փոխանցում. Երևան-Քիշնև չվերթերի ուղևորների ցուցակը մինչև մեկնումը կփոխանցվի Մոլդովայի իրավասու մարմիններին:

• Լրացուցիչ ստուգումներ. իշխանությունները լրացուցիչ ստուգումներ կիրականացնեն թռիչքից և վայրէջքից առաջ՝ հայտնաբերելու և կանխելու անվտանգության հնարավոր վտանգները:

• Թռիչքին մասնակցության թույլտվություն. միայն այն ուղևորները, ովքեր ստացել են թռիչքին մասնակցության թույլտվություն, կկարողանան շարունակել իրենց ճանապարհորդությունը: Այն ուղևորները, ովքեր մերժվել են կամ անձը ճանաչվել է «անցանկալի անձ»( պերսոնա նոն գրատա), չեն կարող ճանապարհորդել և չեն կարող դիմել տոմսերի վերադարձի համար:

2․ Անվտանգության լրացուցիչ հսկողություն

• Սահմանային հսկողություն և նստեցում. Երևանում բոլոր ուղևորները պետական սահմանը հատելիս և/կամ օդանավ բարձրանալիս կենթարկվեն անվտանգության լրացուցիչ հսկողության:

• Կանխիկի սահմանաչափ. FLYONE Armenia ինքնաթիռում Երևան-Քիշնև չվերթերի ժամանակ գործում է 3000 ԱՄՆ դոլարի կամ դրան համարժեք ցանկացած արժույթով կանխիկի սահմանաչափ:

• Գումարի հայտարարագրում. իրավասու անձինք կստուգեն առկա միջոցները: Այն ուղևորները, ովքեր ունեն ավելի քան 3000 ԱՄՆ դոլար կանխիկ գումար և չեն կարող հիմնավորել գումարի ծագումը, չեն կարողանա շարունակել իրենց ճանապարհորդությունը։ Միջոցների ծագումը կարող է հաստատվել պետական մարմինների, գործատուի կողմից տրված պաշտոնական փաստաթղթերով, առքուվաճառքի պայմանագրերով և այլն: Ընդունված օժանդակ փաստաթղթերի մասին ավելի մանրամասն տեղեկություններ կարելի է ստանալ պետական գերատեսչությունների պաշտոնական էջերում:

-Գումարի չափի հայտարարագիր. բոլոր ուղևորները լրացնում են թերթիկ, որտեղ հայտարարագրում են իրենց ունեցած գումարի չափը սահմանը հատելիս:

3. Ժամանում օդանավակայան

• Ժամանումը . ուղևորները պետք է ժամանեն օդանավակայան մեկնելուց առնվազն 4 ժամ առաջ՝ թռիչքի անվտանգությունն ապահովելու համար անհրաժեշտ բոլոր ձևակերպումները կատարելու համար»,- նշվում է հաղորդագրության մեջ: