«Մանչեսթեր Յունայթեդը» երկարաձգեց պայմանագիրը Տեն Հագի հետ
Անգլիական «Մանչեսթեր Յունայթեդը» երկարաձգեց պայմանագիրը թիմի հոլանդացի գլխավոր մարզիչ Էրիկ տեն Հագի հետ մինչեւ 2026թ․ հունիս, հաղորդում է ակումբի կայքը։
54-ամյա մասնագետը 2022 թվականից է գլխավորում մանչեսթերյան թիմը, որը Անգլիայի անցած առաջնությունում գրավել է 8-րդ տեղը, Անգլիայի գավաթի խաղարկության եզրափակիչում հաղթել է չեմպիոն «Մանչեսթեր Սիթիին»։ Գավաթակիր դառնալու շնորհիվ «Մանչեսթեր Յունայթեդը» հանդես կգա Եվրոպայի լիգայում։
2023-ին «Մանչեսթեր Յունայթեդը» Տեն Հագի ղեկավարությամբ նվաճել էր նաեւ Անգլիական լիգայի գավաթը:
