Կենտրոնում և Արաբկիրում ոչ սահմանված վայրերում կայանված հնամաշ ավտոմեքենաները կհեռացվեն
Երևանի տարբեր վարչական շրջաններում սկսվել է ոչ սահմանված վայրերում կայանած հնամաշ ավտոմեքենաների հեռացման գործընթացը: Այս մասին Երևանի քաղաքապետարանի գործակարգավարական խորհրդակցության ժամանակ հայտարարեց քաղաքապետ Տիգրան Ավինյանը։
«Շատ լավ աշխատանք են արել Կենտրոնը, Արաբկիրը։ Խոսքը հնամաշ մեքենաների կմախքների մասին է, որոնք հեռացվել ու հեռացվում են»,– ասաց Ավինյանը։
Նա մյուս վարչական շրջաններին հանձնարարեց սկսել այդ աշխատանքները։
