Ապագայում հեռախոսներ չեն լինի․ Մասկը հայտարարություն է արել

Ապագայում մարդիկ կդադարեն օգտվել հեռախոսներից, շփման համար նրանց ուղեղի իմպլանտանտներ են հարկավոր: Այս մասին X սոցկայքում հայտարարել Է ամերիկացի գործարար և միլիարդատեր Իլոն Մասկը, փոխանցում է ՌԻԱ Նովոստին։ 

«Իսկ դուք ձեր ուղեղում կտեղադրեի՞ք Neuralink ինտերֆեյս, որը թույլ կտա ձեզ մտքի ուժով կառավարել ձեր նոր X հեռախոսը»,- հետաքրքրվել է սոցցանցի օգտատերերից մեկը։ 

Իր հերթին ինքը՝ Մասկը, մեկնաբանել է գրառումը՝ հայտարարելով, որ ապագայում շարժական սարքերի կարիք ընդհանրապես չի լինի։

«Ապագայում հեռախոսներ չեն լինի, կլինի միայն Neuralink», - պատասխանել է Մասկը գրառման մեկնաբանություններում։ 

Հիշեցնենք՝ հունվարին Մասկը հայտնել էր, որ առաջին մարդը ստացել է Neuralink ընկերության իմպլանտը և իրեն լավ է զգում: Այն ժամանակ գործարարը նշել էր, որ սարքի աշխատանքի մասին ստացված առաջին տվյալները խոստումնալից արդյունքներ են ցույց տալիս։