Նոր մանրամասներ` մեղադրյալների կողմից մեկուսարանի աշխատակիցներին պատանդ վերցնելու դեպքից. ՌԴ
ՌԴ Ռոստովի մարզի ԱԴԾ-ի գլխավոր վարչության մեկուսարանում պահվող ՔԿԾ աշխատակիցներին պատանդ վերցրած մեղադրյալները երկար են պատրաստվել դրան, նրանք նախապես թուլացրել են բանտախցի ճաղավանդակը։ Այս մասին հունիսի 16-ին հայտնել է «Իզվեստիայի» աղբյուրը։
«Երբ հանցագործները պահը հարմար համարեցին, նրանք կոտրեցին ճաղավանդակը և դուրս եկան բակ», - ասել է նա:
Աղբյուրի խոսքով ՝ դրանից հետո չարագործները ներխուժել են հերթապահ մասի տարածք, որտեղ պատանդ են վերցրել երկու աշխատակցի։ Նրանք զինված են եղել դանակներով ու ռետինե մահակներով։ Այս պահին նրանք պահանջում են ավտոմեքենան, որպեսզի դրանով դուրս գան մեկուսարանի տարածքից։
Լրատվամիջոցի աղբյուրի տվյալներով ՝ պատանդների առևանգումը կազմակերպել են մարդիկ, որոնք իրենց անվանում են ԻՊ-ի կողմնակիցներ («Իսլամական պետություն» ահաբեկչական կազմակերպություն, արգելված Է ՌԴ-ում):
Դոնի Ռոստովի մեկուսարանում պատանդներ վերցրած կալանավորներն անցյալ տարի 18 տարով կալանավորվել էին Կարաչաևո-Չերկեսիայում Գերագույն դատարանի շենքի պայթեցումը նախապատրաստելու համար:
Նրանցից մեկը՝ 22-ամյա Մալիկ Գանդալոևն է։ Նրա եղբորը ՝ Ռամազանին և ընկերոջը՝ Արսեն Գամադովին, մեղադրել են պայթուցիկ նյութեր պատրաստելու և ապօրինի պահելու մեջ։
Ավելի վաղ հայտնել էինք, որ Ռոստովի քննչական մեկուսարանում մեղադրյալները պատանդ են վերցրել երկու աշխատակցի: Պատանդների ազատման ուղղությամբ բանակցություններ են ընթանում։
