ՏԵՍԱՆՅՈՒԹ․ Քարկոփ համայնքը Ալավերդի քաղաքին կապող ժամանակավոր կամուրջը փլուզվել է

Այս գիշեր Լոռու մարզում փլուզվել է Քարկոփ համայնքը Ալավերդի քաղաքին կապող ժամանակավոր հետիոտնային կամուրջը։ Այս մասին Sputnik Արմենիային հայտնել են ՀՀ տարածքային կառավարման և ենթակառուցվածքների նախարարության մամուլի ծառայությունից։

Նշենք, որ Դեբեդ գետը անցած գիշեր նորից վարարել էր։ Համացանցում կադրեր են հայտնվել, թե գետն ինչպես է քշում կամուրջը։

«Քարկոփ համայնքը Ալավերդիին կապող ժամանակավոր կամուրջը քանդվել է հեղեղումների հետևանքով։ Հիմա սպասում ենք, որ գետը մի փոքր հանդարտվի, որպեսզի վնասված կամուրջը հեռացնենք ու նորը տեղադրենք»,– նշեցին գերատեսչությունում։

Ժամանակավոր կամուրջը կառուցվել էր մայիսի 26–ի հեղեղումներից հետո՝ արտաքին աշխարհի հետ բնակավայրի կապն ապահովելու համար։

Հիշեցնենք` մայիսի 26–ի տեղատարափ անձրևներից հետո Լոռու և Տավուշի մարզերում Դեբեդ, Աղստև և Տաշիր գետերի վարարման հետևանքով 4 մարդ է մահացել։

Տեսանյութը՝ Sputnik Արմենիայի։