Մեկնարկել է ՌԴ-ի և Բելառուսի միջուկային ուժերի զորավարժությունների 2-րդ փուլը
Ռուսաստանի Դաշնության պաշտպանության նախարարությունը հայտնել է, որ ռուս և բելառուս զինվորականները սկսել են պատրաստվել ոչ ռազմավարական միջուկային զենքի մարտական կիրառման համատեղ ուսուցմանը: Զորավարժությունների երկրորդ փուլն ուղղված է մարտավարական միջուկային զենքի կիրառման դեպքում անձնակազմի և տեխնիկայի պատրաստվածության պահպանմանը, հայտնում է kommersant.ru-ն։
«Զորավարժությունների նպատակն է պահպանել Ռուսաստանի և Բելառուսի ոչ ռազմավարական միջուկային զենքի մարտական կիրառման համար ստորաբաժանումների անձնակազմի և սարքավորումների պատրաստվածությունը՝ միութենական պետության ինքնիշխանությունն ու տարածքային ամբողջականությունն անվերապահորեն ապահովելու համար»,- ասվում է ռազմական գերատեսչության մամուլի հաղորդագրությունում։
Ինչպես պարզաբանել են ՌԴ ՊՆ-ում, զորավարժությունների առաջին փուլում զինվորականները իրականացրել են «Իսկանդեր» համալիրների կիրառումը և դրանց գաղտնի տեղաշարժը դեպի հրթիռների արձակման տարածք։
