ԼՈՒՍԱՆԿԱՐՆԵՐ. Փրկարարներն օգնել են արագիլի՝ 4 մետրանոց էլեկտրական սյունից կախված ձագին
Փրկարարներն արագիլի ձագին ցուցաբերել են անհրաժեշտ օգնություն: Հունիսի 11-ին, ժամը 18։32-ին Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Ոսկեվազ գյուղի Մաշտոցի փողոցում էլեկտրական սյան վրա գտնվող բնից (մոտ 4 մ բարձրություն) արագիլի ձագը կախվել է․ անհրաժեշտ է օգնություն։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Փրկարարները թռչունին իջեցրել են, ցուցաբերել օգնություն և ետ վերադարձրել բույն։
