ՏԵՍԱՆՅՈՒԹ. Պարեկները փորձում են ջարդել Արցախի ներկայացուցչության դարպասը՝ առգրավելու համար Սամվել Շահրամանյանի մեքենան. փաստաբան

Արցախի ներկայացուցչության դռները փակ են. պարեկները փորձում են ջարդել դարպասը, Սամվել Շահրամանյանին սպասարկող մեքենան առգրավելու համար: Այս մասին այսօր ֆեյսբուքյան էջում տարածած տեսագրությամբ հայտնեց նրա փաստաբանը:

«Առանց դատարանի որոշման փորձում են Արցախի հանրապետության ներկայացուցչության մոտից առգրավել մեքենան: Քննիչը, հանդիպելով խոչընդոտների, թողել և հեռացել է մեզ համար անհայտ վայր, այս պահի դրությամբ մեքենան դեռ չի առգրավվել, բայց պարեկային ծառայության աշխատակիցներն են եկել: Մեզ հասած տեղեկություններով, նաև ոստիկանության զորքերն են գալու շուտով»,-ասել է փաստաբանը:

Ավելի վաղ հայտնել էինք, որ որ Քննչական կոմիտեի Կենտրոնի բաժնի ներկայացուցիչները գտնվում են ՀՀ-ում Արցախի ներկայացուցչության մոտ, հատուկ տարհանման ծառայություն են հրավիրել՝ Սամվել Շահրամանյանին սպասարկող մեքենան տեղափոխելու նպատակով։