Տղամարդը փորձել է մոտ 100 մլն դոլարի թմրանյութ ներկրել Ավստրալիա

Մալայզիայի քաղաքացին փորձել է Ավստրալիա ներմուծել 100 կգ մետամֆետամին, որը թաքցված է եղել սովորական պլաստիկ սանդալների մեջ, գրում են ԶԼՄ-ները՝ հղում անելով Ավստրալիայի սահմանապահ ծառայությանը:

Սահմանապահներին նախազգուշացրել են Թաիլանդից ժամանած միանման էժանագին կոշիկներով վեց տուփի մասին։ Ստուգման ընթացքում պարզվել է, որ յուրաքանչյուր ներբանի մեջ թմրանյութ է թաքցված։

Բեռի ընդհանուր արժեքն իրավապահները գնահատել են 92 մլն դոլար: Ոստիկանությանը հաջողվել է ձերբակալել ծանրոցը ստացողին՝ Մալայզիայից 49 - ամյա մի տղամարդու, որին այժմ մեղադրում են արդյունաբերական մասշտաբներով թմրանյութեր իրացնելու մեջ: Տղամարդուն արդեն մեղադրանք է առաջադրվել մի քանի «թմրադեղերի» հոդվածներով, նրան ցմահ ազատազրկում է սպառնում։