Սանկտ Պետերբուրգում գետն ընկած ավտոբուսի զոհերի թիվն ավելացել է
Սանկտ Պետերբուրգում Մոյկա գետն ավտոբուսի ընկնելու հետևանքով զոհերի թիվը հասել է 7-ի, հայտնում է Քննչական կոմիտեն: Ավելի վաղ ԱԻՆ-ը հայտնել էր երեք զոհի մասին։
Ինչպես ավելի վաղ հայտնել էր ՆԳՆ շրջանային վարչությունը, վթարի պահին սրահում եղել է մոտ 20 մարդ։ Ոմանք կարողացել են ինքնուրույն դուրս գալ, իննին բարձրացրել են փրկարարները:
Վթարը տեղի է ունեցել մայիսի 10-ին, ժամը 10-ի սահմաններում, քաղաքային տրանսպորտի կոմիտեի տվյալներով՝ վարորդը չի կարողացել կառավարել մեքենան: Արդյունքում ավտոբուսը շրջվել է, այն ճեղքել է ցանկապատն ու ընկել ջուրը։
Ոստիկանությունը քրեական գործեր է հարուցել տրանսպորտային միջոց վարելու կանոնները խախտելու վերաբերյալ, որն անզգուշությամբ առաջացրել է երկու և ավելի անձանց մահ, իսկ քննիչները՝ անվտանգության պահանջները չբավարարող ծառայություններ մատուցելու վերաբերյալ:
Ավտոբուսի 44-ամյա վարորդին ձերբակալել են որպես կասկածյալ և հարցաքննել։
Սանկտ Պետերբուրգի տրանսպորտի կոմիտեն սկսել է ընկերության համալիր ստուգումը։
