ՏԵՍԱՆՅՈՒԹ. Խոշոր ավտովթար Թուրքիայում. դպրոցականներին տեղափոխող ավտոբուս է շրջվել

Թուրքիայի Ֆեթհիյե-Մուղլա ավտոճանապարհին դպրոցականներին տեղափոխող ավտոբուսի վթարի հետևանքով 25 մարդ Է տուժել: Այս մասին հայտնում է TRT Haber-ը։ Վթարի հետևանքով տուժել են վարորդը, երկու ուսուցիչ և 22 աշակերտ: Նախնական տվյալներով՝ նրանք բոլորը գտնվում են լավ վիճակում, նրանց կյանքին վտանգ չի սպառնում։

Դեպքի վայրից ստացված տեսանյութում երևում է, որ միկրոավտոբուսը դուրս է եկել ճանապարհից ընկել ձորակը և շրջվել: Հաղորդվում է, որ ներկայումս տրանսպորտային միջոցը տեղափոխվել է վթարի վայրից, մայրուղու վրա երթևեկությունը տեղի է ունենում նախկին ռեժիմով: