ՏԵՍԱՆՅՈՒԹ․ Բագրատ Սրբազանը Ոսկեպարի եկեղեցու մոտ է
Տավուշի թեմի առաջնորդ Բագրատ Սրբազանը, որը քիչ առաջ Կիրանցում էր՝ ճանապարհը փակած բնակիչների մոտ, այժմ եկել է Ոսկեպար։ Ոստիկանապետը Բագրատ Սրբազանի հարցին ի պատասխան ասաց, որ մեկ ժամից եկեղեցուն կարող են մոտենալ։
«Այն համայնքապետները, որոնք մասնակցելու են այս գործընթացին` աշխատանքային խմբի մեջ են, ամբողջ պատասխանատվությունը իրենց վրա է մնալու։ Այդ հանցանքը դրվելու է նրանց վրա»,–հիշեցրել է Սրբազանը։
Բագրատ Սրբազանը լրագրողների ու քաղաքացիների հետ զրույցում ասաց, որ այն, ինչ տեղի է ունենում, ապօրինի է, ՀՀ օրենքներին հակառակ և դեմ։
Ասաց՝ ժամը 3-ին ժողովուրդը գնալու է դեպի եկեղեցի, խնդրեց ոստիկաններին, որ զինվորականներին փոխանցեն։
