ՏԵՍԱՆՅՈՒԹ. Կախովի կամուրջն ամբողջությամբ ջրի մեջ է հայտնվել. ՌԴ
ՌԴ Կուրգանի Վորոնովկա միկրոշրջանում կախովի կամուրջն ամբողջությամբ հայտնվել է ջրի մեջ: Այս մասին հայտնում է ՌԻԱ Նովոստին:
Կամուրջը շուրջ 10 մետր բարձր էր Տոբոլ գետից, բայց հեղեղումների հետևանքով ամբողջությամբ հայտնվել է ջրի տակ։ Հիմա գետը հոսում է կամրջի միջով:
«Փրկարարները ճոպանների մի մասը կտրել են, որպեսզի կառույցն ավելի ճկուն լինի և չկոտրվի ջրի տակ։ Հուսով եմ` մեր կամուրջը կդիմանա»,- ասել է տեղի բնակիչներից մեկը։
Մարզի ղեկավարությունը բնակիչներին հիշեցնում է տարհանվելու անհրաժեշտության մասին:
