Կկարողանանք չէ՞ էնպես անեք, որ մետրոյում ժամանակը ցույց տա հետհաշվարկով. Ավինյան
Ապրիլի 8-ին Երևանի քաղաքապետարանի հերթական գործակարգավարական խորհրդակցության ժամանակ նշեց «Կարեն Դեմիրճյանի անվան Երևանի մետրոպոլիտեն» ՓԲԸ տնօրեն Բաբկեն Սեդրակյանը նշեց, որ անցած շաբաթ մետրոպոլիտենում ուղևորափոխադրումների թիվը կազմել է 544 հազար ուղևոր, գիծ է դուրս բերվել 2836 շարժակազմ, որոնցից 581-ը երեք վագոնանի, 1283-ը երկու վագոնանի և 972-ը մեկ վագոնանի։
Նա նաև հավելեց, որ կատարողականը կազմել է 105,8 տոկոս:
Քաղաքապետ Տիգրան Ավինյանը հետաքրքրվեց, թե տրանսպորտային ռեֆորմների շրջանակում կկարողանա՞ն այնպես անել, որ մետրոյում ժամանակը ցույց տա հետհաշվարկով, այսինքն թե մետրոն կայարան երբ է հասնելու:
Ի պատասխան փոխքաղաքապետ Սուրեն Գրիգորյանն ասաց, որ եթե անգամ գործող տեխնիկական միջոցներով դա հնարավոր չլինի, պետք է նորով այդ խնդիրը կարգավորել:
«Եկեք խնդիրը դնենք, ֆիքսենք, որ դա էլ պետք է լուծվի»,-ասաց Ավինյանը:
