Ուկրաինական DTEK էներգահոլդինգը հայտարարել է երեք ՋԷԿ-երի լուրջ վնասման մասին

Ուկրաինական DTEK էներգահոլդինգը (Ուկրաինայի էներգետիկ ոլորտի խոշորագույն մասնավոր ներդրողը) Telegram-ալիքում հայտնել է իր երեք ջերմաէլեկտրակայանների վնասման մասին։

Հիշեցնենք, որ գիշերն Ուկրաինայի տարածքում հայտարարվել է օդային տագնապ։ Ուկրաինական լրատվամիջոցները հայտնել են Դնեպրոպետրովսկի, Խմելնիցկիի, Լվովի, Իվանո-Ֆրանկովսկի, Չերկասիի շրջաններում պայթյունների մասին: Ուկրաինայի էներգետիկայի նախարար Գերման Գալուշչենկոն հայտարարել է նոր զանգվածային հարձակման մասին: Նրա խոսքով՝ հարվածի տակ են հայտնվել գեներացիայի օբյեկտները։ «ՈւկրԷներգո» ազգային էներգետիկ ընկերությունը հայտնել Է Ուկրաինայի կենտրոնում և արևմուտքում ջերմային և հիդրոէլեկտրակայանների վնասման մասին:

«Գրոհել են DTEK երեք ջերմաէլեկտրակայաններ։ Սարքավորումները լրջորեն վնասվել են: Հարձակման ավարտից հետո մասնագետներն օպերատիվ կերպով սկսել են հետեւանքների վերացումը», - ասված է DTEK-ի հաղորդագրության մեջ։

Ուկրաինական ենթակառուցվածքներին հարվածները ՌԴ ԶՈՒ - ն սկսել է հասցնել 2022 թվականի հոկտեմբերի 10-ին՝ Ղրիմի կամրջի վրա տեղի ունեցած ահաբեկչությունից երկու օր անց, որի հետևում, ռուսական իշխանությունների գնահատմամբ, կանգնած են ուկրաինական հատուկ ծառայությունները։ Հարվածները հասցվում են էներգետիկայի, պաշտպանական արդյունաբերության, ռազմական կառավարման և կապի օբյեկտներին ամբողջ երկրում։ Այդ ժամանակից ի վեր Ուկրաինայի շրջաններում օդային տագնապ է հայտարարվում ամեն օր, երբեմն՝ ամբողջ երկրում։ Միևնույն ժամանակ, ՌԴ նախագահի մամուլի քարտուղար Դմիտրի Պեսկովը հայտարարել է, որ ռուսական զորքերը Ուկրաինայի զինված ուժերի հետ մարտերում հարվածներ չեն հասցնում բնակելի տներին և սոցիալական ենթակառուցվածքներին: