Ռումինիայում սկսվել է ՆԱՏՕ-ի` Եվրոպայում ամենամեծ բազայի կառուցումը, որը նախատեսված է 10 հազար զինծառայողի համար: Այս մասին հայտնում է Euronews-ը։

Նշվում է, որ օբյեկտի կառուցումը գնահատվում է 2,5 միլիարդ եվրո: 2,8 հազար հեկտար տարածքով բազան գտնվում է Կոնստանցա թաղամասում, որտեղ գտնվում է Սև ծովում Ռումինիայի նավահանգիստը։

Բազայի ենթակառուցվածքը կառուցվում է արդեն գոյություն ունեցող ՆԱՏՕ-ի «Միխայիլ Կոգալնիցեանու» ավիաբազայի հիման վրա։ Հաղորդվում է, որ նոր բազայում կլինեն թռիչքուղիներ, զենքի հարթակներ, ռազմական ինքնաթիռների համար նախատեսված անգարներ, ինչպես նաև դպրոցներ, մանկապարտեզներ, խանութներ և հիվանդանոց:

Ըստ ռումինացի փորձագետ Դորին Պոպեսկու՝ բազայի կառուցման որոշումը կայացվել է Ուկրաինայում ռազմական հակամարտության ֆոնին, որը նա անվանել է երկարաժամկետ։ Միխայիլ Կոգալնիչեանու ավիաբազայում ներկայումս տեղակայված է մոտ 5 հազար զինվորական, որոնց մեծ մասը ամերիկացիներ են։