Հյուսիսային Կորեան անցած տարվանից ՌԴ է ուղարկել մոտ 7 հազար կոնտեյներ զինամթերք

Հյուսիսային Կորեան անցած տարվանից Ռուսաստան է ուղարկել մոտ 7 հազար կոնտեյներ՝ զինամթերքով և այլ ռազմական սարքավորումներով: Այս մասին հայտարարել Է Հարավային Կորեայի պաշտպանության նախարար Շին վոն Սիկը, հայտնում է Sky News-ը։

Նա այս հայտարարությունն արել է մամուլի ասուլիսի ժամանակ՝ ժամեր անց այն բանից հետո, երբ Հարավկորեացի զինվորականները հայտարարել են, որ Հյուսիսային Կորեան փոքր հեռահարության բալիստիկ հրթիռներ է արձակել երկրի արևելյան ջրային տարածքների ուղղությամբ:

Հարավային Կորեայի պաշտոնյաների և մասնավոր փորձագետների կարծիքով՝ դրա դիմաց Հյուսիսային Կորեան կարող էր պարենային և տնտեսական օգնություն ստանալ։

ԱՄՆ - ն և Հարավային Կորեան ավելի վաղ Հյուսիսային Կորեային մեղադրել էին պատերազմի ընթացքում Ռուսաստանին արկեր ուղարկելու և այլ ռազմական օգնություն ցուցաբերելու մեջ։  Այս պնդումները Ռուսաստանն ու Փհենյանը հերքում են: