Երևանի ընթացքը կարող է անդառնալի վնաս հասցնել դաշնակցային հարաբերություններին. ՌԴ ԱԳՆ
Երևանի ներկայիս ընթացքի շարունակումը կարող է անդառնալի վնաս հասցնել Ռուսաստանի և Հայաստանի դաշնակցային հարաբերություններին։ Այս մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով ՀՀ վարչապետ Նիկոլ Փաշինյանի հայտարարությունները Հավաքական անվտանգության պայմանագրի կազմակերպությունից (ՀԱՊԿ) Հայաստանի դուրս գալու հնարավորության մասին։
«Երևանի ներկայիս ընթացքի շարունակումը կարող է ի վերջո անդառնալի վնաս հասցնել մեր դաշնակցային հարաբերություններին, լուրջ ռիսկեր ստեղծել հանրապետության ինքնիշխանության համար, վերջնականապես ոչնչացնել երկրի անվտանգության ապահովման գործուն մեխանիզմները, ազդել նրա առաջանցիկ սոցիալ-տնտեսական զարգացման հեռանկարների վրա», - նշել է Զախարովան:
