Առուշանյանը ոչ սթափ վիճակում վարել է «000 OO 00» համարանիշներով մեքենան

Այսօր՝ մարտի 13-ին, ՊԾ Երևան քաղաքի գնդում օպերատիվ տեղեկություններ էր ստացվել, որ «Mercedes G 63» մակնիշի «000 OO 00» համարանիշի ավտոմեքենայի վարորդը այն վարում է ոչ սթափ վիճակում: Այս մասին հաղորդում է Shamshyan.com-ը։

Նշվում է, որ տեղում պարեկները դուրս են գալիս ենթադրյալ երթուղու վայր ու ժամը 00:45-ի սահմաններում Թևոսյան փողոցում նկատում են «յաշիկը»:

Կայքը նշում է, որ պարեկները կագնեցրել են մեքենան և վարորդը սթափության փորձաքննության է ենթարկվում ու պարզվել է, որ նա մեքենան վարել է ոչ սթափ՝ խմածության ամենաբարձր աստիճան:

Ավտոմեքենան պարեկները տեղափոխել են ՊԾ Երևան քաղաքի գնդի պահպանվող հատուկ տարածք:

Կայքի տեղեկություններով՝ վարորդը Գորիսի համայնքապետ 33-ամյա Առուշ Առուշանյանն է: Վերջինս 1 տարով զրկվում է ավտոմեքենա վարելու իրավունքից:

Հիշեցնենք, որ «000 OO 00» համարանիշը ձեռք է բերել «Առանցք» ՍՊԸ–ն, որը պատկանում է Գորիսի համայնքապետ Առուշ Առուշանյանի հորը` Գագիկ Առուշանյանին։

Կայքի տեղեկություններով` Գագիկ Առուշանյանը նույնպես զրկված է ավտոմեքենա վարելու իրավունքից։