ՏԵՍԱՆՅՈՒԹ․ Ավինյանը՝ մետրոյի Աջափնյակ կայարանի կառուցման մասին

Ավարտվել է մետրոյի «Աջափնյակ» կայարանի նախագծա-նախահաշվարկային փաստաթղթերի ձեռքբերման մրցույթը, ինչի արդյունքում կնքվել է պայմանագիր հաղթող կազմակերպության հեո։ Այս մասին քաղաքապետարանի գործակարգավորական նիստի ընթացքում զեկուցել է Երևանի կառուցապատման և ներդրումային ծրագրերի գրասենյակ ՀՈԱԿ-ի տնօրենը։

«Այս պահին ճարտարապետահատակագծային փաստաթղթերի կազմման փուլում ենք գտնվում, ինչպես նաև ավարտման փուլում է ազդեցության գոտում գտնվող հողերի գերակա շահի մասին որոշման փաստաթղթերի պատրաստումը, որն այս շաբաթ կշրջանառվի»,-ասել է ՀՈԱԿ-ի տնօրենը։ 

Քաղաքապետ Տիգրան Ավինյանն էլ արձագաքել է․ «Ուզում ենք այս տարի սկսել կայարանի կառուցումը, ինչը պահանջում է մեր կողմից ջանք, որպեսզի մեր բոլոր գործընկերները տեղեկացված լինեն նախագծից, և համալիր փորձաքննության փուլը ևս հնարավոր սեղմ ժամկետներում անցնենք»։ 

Մանրամասները՝ տեսանյութում։