ՏԵՍԱՆՅՈՒԹ․ ՌԴ վառելիքաէներգետիկ համալիրի պահեստն այրվում է ուկրաինական դրոնի հարձակումից հետո
Կուրսկի շրջանում ուկրաինական անօդաչու թռչող սարքի հարձակումից հետո հրդեհ է բռնկվել վառելիքաքսուքային նյութերի պահեստում: Այս մասին հայտնել Է նահանգապետ Ռոման Ստարովոյտը Telegram ալիքում: Տեղեկությունը փոխանցում է ՌԻԱ Նովոստին։
«Այրվում է վառելիքի բաքը, տուժածներ չկան»,- գրել է նա:
Արտակարգ դեպքը տեղի է ունեցել Ժելեզնոգորսկի շրջանում։ Մարզպետը հավելեց, որ դեպքի վայր են մեկնել օպերատիվ ծառայություններ:
Ուկրաինական զորքերը պարբերաբար գնդակոծում են ռուսական տարածքները, հարվածներ հասցնում անօդաչու թռչող սարքերից և դիվերսիաներ կազմակերպում։
Կուրսկի շրջանում և սահմանամերձ այլ շրջաններում գործում է ահաբեկչական վտանգի բարձր մակարդակ: Այս ռեժիմը ենթադրում է ուժային մարմինների աշխատանքի ուժեղացում, երկաթուղային կայարաններում և մարդաշատ վայրերում զննումների անցկացում, բժշկական կազմակերպությունների տեղափոխում բարձր պատրաստվածության ռեժիմի, ռազմավարական օբյեկտների ուժեղացված պաշտպանություն:
